ანექსირებული ხერსონის ოლქის დროებითი დედაქალაქი გენიჩესკი იქნება

ხერსონის ოლქის ე.წ. ადმინისტრაციული ცენტრი ქალაქ ხერსონიდან რუსეთის ჯარის გასვლის შემდეგ იქნება გენიჩესკი. ამის შესახებ РИА "Новости"-ის აცნობა რუსეთის მიერ დანიშნული ადმინისტრაციის პრესმდივანმა, ალექსანდ ფომინმა. ფომინის თქმით, გენიჩესკში „თავმოყრილია ხელისუფლების უმთავრესი ორგანოები“. საკურორტო და საპორტო ქალაქი გენიჩესკი ხერსონის ოლქის სამხრეთში მდებარეობს, აზოვის ზღვის პირას. ქალაქი რუსეთის არმიამ დაიკავა 24 თებერვალს - უკრაინაში შეჭრის პირველ დღეს. რუსეთმა 11 ნოემბერს გამოაცხადა, რომ ხერსონიდან ჯარის გაყვანა დაასრულა. გასვლის შემდეგ მათ ააფეთქეს ოთხი ხიდი მდინარე დნეპრზე. იმავე დღეს ხერსონში შევიდნენ უკრაინელი სამხედროები. ქალაქში უკრაინის დროშა აღიმართა. ...