კალაძე გლდანის მეტროში შექმნილი პრობლემის გამო მოსახლეობას ბოდიშს უხდის

თბილისის მერი კახა კალაძე მეტროსადგურ "ახმეტელის თეატრის" შესასვლელში შექმნილი პრობლემის გამო მოსახლეობას ბოდიშს უხდის. მან თბილისის მთავრობის სხდომაზე თქვა, რომ პრობლემა ტურნიკეტებმა გამოიწვია. три "ტურნიკეტები ვერ ატარებდა მგზავრების შესაბამის რაოდენობას, რამაც გამოიწვია მეტროს გარეთ მოქალაქეების თავმოყრა. მინდა, ბოდიში მოვუხადო საზოგადოებას. ეს ჩემზე არ არის დამოკიდებული. პრობლემას წარმოადგენს მოძველებული ინფრასტრუქტურა, თუმცა, ჩვენ ვართ აქ იმისთვის, რომ ეს ყველაფერი გამოვასწოროთ", - თქვა თბილისის მერმა. три მეტროსადგურ "ახმეტელის თეატრში" ტურნიკეტები რამდენიმე წლის წინ შეიცვალა. სადგურის რეაბილიტაცია 2017 წელს დასრულდა. უფრო ძველი ტურნიკეტები დგას "დიდუბეში", სადაც პიკის საათებში მგზავრთა დიდი ნაკადის გამო ასევე იქმნება პრობლემები. თბილისის მერმა დღევანდელ მთავრობის სხდომაზე გაიმეორა, რომ "ახმეტელის თეატრში" მგზავრთა სიმრავლით შექმნილი პრობლემების მოსაგვარებლად გეგმავენ ტურნიკეტების რაოდენობის გაზრდას, მოგვიანებით კი მეტროს ახალი ამოსასვლელის გაკეთებას. ...